Les mots surlignés font l'objet d'une note
1Monsieur, je euz à soir des nouvelles d’Aulvergne que je
2vous envoye le double. Il vingt aussi ung laquès dune
3de mes cousines qui a passé au Puy. Il dit que monsieur
4de Sainct Vidat nest pas mort mès bien blessé ; que ceulx
5d’Espaly tienent bon et ne font semblan de sen vouloir
6sortir, prenens en ses païs là tousioures quelque forces ;
7en Forès, ung serviteur de monsieur de Sainct Prie advoit
8proumys de tuer son mestre, sa fame et aultres de la maison
9pour randre le chasteau. Il a esté exsecuté. Aulmoings de
10mes gens passent par là veirent les eschafaulx
11dressés. Il ce fault bien recommander à Dieu estent en ung
12cy malheureux temps. Je heus hier des lettres de mes
13bonnes amyes de la court qui me mande estre arrivé
14labé Gadaigne de Leies le roy de Poulongne qui ladvoit
15laissé bien avancé dans les païs du duc de Sasse, faizent
16bonne chère et toute sa troupe. Le duc de Cazemyr laccompaigne
17tent quil sera dans les païs dudit duc de Sasse son beau
18père, aient esté receu dudit duc de Cazemyr et de tous les
19princes où il a passé cy dignement et honorablement quil
20ne ce peult plus, aymé et extimé de tous ceux qui le
21luy. La royne de Navare estoit malade dune deflucion.
23Dung aultre lieu, lon me mande que le quahet avoit
24esté porté à monsieur le duc. Voylà tout ce que jay
25pour ceste heure, atentent cy monsieur de Mogeron
26[152 v°] me fera ceste faveur de me venir voir comme me mandois.
27Je me recommande humblement à votre bonne grace, suplient
28Dieu vous donner, monsieur, bonne vye. De Tournon, ce IXe
29de fevrier 1574.
30Votre humble et obeissante
31Claude de Turenne